Zëvendëssekretarja e Përgjithshme e NATO-s, Radmila Shekerinska, pritet të takojë sot emisarin evropian për dialogun Kosovë-Serbi dhe çështjet rajonale të Ballkanit Perëndimor, Peter Sorensen.
Takimi do të zhvillohet pa një deklaratë për media pas përfundimit të tij.
Kjo vizitë e Sorensenit në NATO vjen vetëm pak ditë pas udhëtimeve të tij të para në Kosovë dhe Serbi, që nga momenti kur mori detyrën si emisar i BE-së për dialogun e Brukselit. Diplomati danez është emëruar në këtë post më 1 shtator të vitit të kaluar.
