Presidentja e Kosovës, Vjosa Osmani, është përshëndetur me një duarshtrëngim me ish-presidentin amerikan, Donald Trump, gjatë ceremonisë së varrimit të Papa Françeskut në Romë.
Osmani, e cila po merr pjesë në këtë ceremoni shtetërore, ka mbërritur në Bazilikën e Shën Pjetrit e shoqëruar nga bashkëshorti i saj, Prindon Sadriu. Momente nga mbërritja e saj janë publikuar në faqen zyrtare të Presidencës së Kosovës.
Pas Osmanit, në hyrje të Bazilikës është parë edhe kryeministri i Kosovës, Albin Kurti, së bashku me bashkëshorten e tij, Rita.
Papa Françesku ndërroi jetë më 21 prill, pas një sëmundjeje të rëndë. Në ceremoninë e varrimit të tij pritet të marrin pjesë mbi 200 mijë persona nga e gjithë bota.
