Gjykata Themelore në Ferizaj ka aprovuar kërkesën e Prokurorisë për caktimin e masës së paraburgimit ndaj të pandehurit E.I., i cili dyshohet për veprën penale të “Dhunimit”.
Sipas hetimeve, E.I. akuzohet se ka abuzuar seksualisht me një vajzë 15-vjeçare. Pas shqyrtimit të kërkesës dhe analizimit të dokumentacionit, gjyqtari i procedurës paraprake ka vlerësuar se ka dyshime të mjaftueshme për kryerjen e veprës penale dhe ka vendosur që të pandehurit t’i caktohet masa e paraburgimit për një muaj.
Ngjarja ka ndodhur në janar 2025, kur E.I. e ka marrë të miturën në veturën e tij dhe, duke i ofruar substanca narkotike, ka shfrytëzuar gjendjen e saj të pavëmendshme për të kryer aktin e dhunës seksuale kundër dëshirës së saj. Ky veprim ka shkaktuar dëme emocionale dhe psikologjike tek viktima, e cila ka kërkuar ndihmë mjekësore për të trajtuar pasojat e ngjarjes.
