Ministri i Financave, Punës dhe Transfereve Hekuran Murati ka thënë se shpenzimet për mëditjet dhe udhëtimet zyrtare janë përgjysmuar.
Kjo deklaratë e ministrit Murati vie pasi ishte kryetari i AAK-së, Ramush Haradinaj i cili tha se gjatë kësaj kohe është rritur luksi pushtetar. Lidhur me këtë, ministri Murati ka thënë se tashmë, ka një mirëklasifikim të keqklasifikimeve të mëhershme.
“Sa i përket shpenzimeve për mëditjet apo udhëtimet zyrtare janë përgjysmuar kur krahasojmë me vitet jopandemike, normal kur krahasohet me një vit pandemik kur ka qenë gjithçka e mvyllur e ska pas asni udhëtim normal që mund të dal dalliem mirëpo nëse i krahasojmë me vitet normale, ka së paku përgjysmim. Arsyjet pse janë rrit shpenzimet tek kategoria mallra dhe shërbime ka t’bëj kryesisht me rritjen e shpenzimit për barnat esenciale që për vitin aktual është 60 milion euro, ka t’bëj me rritjen e shpenzimit për rezervën shtetërore që vitin e kaluar ka qenë 10 milionë euro, sivjet është 15 kurse në të kaluarën ka qenë 300 mijë. Ka mirëklasifikim të keqklasifikimeve të mëhershme për shembull shpenzimet të mirëmbajtjes kanë qenë shpenzime kapitale, sivjet kanë kaluar si shpenzime të mallrave dhe shërbimeve si dhe ka edhe normalisht shpenzime për çështje të sigurisë siç është municioni, pasije dhe furnizime të tjera”, ka deklaruar ai.
Krahas kësaj, Haradinaj kërkoi që Qeveria t’i rrisë pagat, pasi sipas tij, nëse Qeveria vazhdon me këtë trend të pagave, do të ketë ikje të shumë profesionistëve nga sektori publik e privat. Lidhur me kiëtë, Murati ka thënë se pritet që vitin e ardhshëm të rritet koeficienti në 110.
- Advertisement -
“Sa i përket çështjes së pagave, inflacioni vitin e kaluar ka qenë 11.6 për qind dhe jemi me vendin më të ulët të inflacionit, përjashto Shqipërinë kurse buxheti për paga ka rritje në nivelin prej 16 përqind dhe është paraparë që edhe vitin e ardhshëm të rritet koeficienti në 110”, ka deklaruar ai.
