Ministri i Mbrojtjes i Kosovës, Armend Mehaj, ka thënë se sipas një sondazhi Forca e Sigurisë së Kosovës (FSK) është organizata me nivelin më të lartë të besueshmërisë nga ana e qytetarëve të Kosovës.
Mehaj, këto rezultate i ka komentuar në rrjetin social Facebook.
“Sipas sondazheve të publikuara nga Qendra për Perceptime në Hulumtime të Insitutit Republikan Ndërkombëtar (IRI), Forca e Sigurisë së Kosovës është organizata me nivelin më të lartë të besueshmërisë nga ana e qytetarëve të Republikës së Kosovës. Ky hulumtim vë në pah se 73% e shtetasve tanë besojnë në institucionin e sigurisë, që shënon një rritje prej 7% në raport me sondazhet e vitit 2021”, shkruan Mehaj.
Sipas Mehajt, Forca e Sigurisë së Kosovës perceptohet edhe nga ana e qytetarëve si organizatë që përmbush në plotni mision e saj kushtetues në garantimin e sigurisë së qytetarëve dhe mbrojtjen territoriale.
