Eksperti i ekonomisë Adrian Civici ka vlerësuar se bashkëpunimi ekonomik dhe tregtar mes Shqipërisë dhe Kosovës ka mbetur kryesisht në nivel deklarativ, pa sjellë ndikim të prekshëm në praktikë.
I ftuar në emisionin “ABC Live”, Civici theksoi se ndonëse ndër vite janë firmosur një sërë marrëveshjesh mes dy vendeve, pjesa më e madhe e tyre nuk është zbatuar, ose ka mbetur në nivel dëshire.
“Problemi kryesor në bashkëpunimin ekonomik dhe tregtar është diskutuar vazhdimisht. Deri më tani, marrëdhëniet kanë qenë më shumë sipërfaqësore sesa reale dhe me ndikim konkret,” deklaroi ai.
Sipas Civicit, një pjesë e marrëveshjeve kanë lindur si nevojë e momentit, ndërsa të tjerat janë konsideruar si bazë për të ndërtuar më tej, por shumica nuk kanë kaluar fazën e zbatimit.
- Advertisement -
Në pritje të formimit të qeverive të reja në të dyja vendet, eksperti sugjeron që fokusi të përqendrohet te ndërtimi i një platforme të qartë dhe funksionale bashkëpunimi, që do të mundësojë një zhvillim real ekonomik ndërmjet Shqipërisë dhe Kosovës.
