Bashkimi Evropian është projekti më i rëndësishëm politik i paqes dhe prosperitetit që nga Lufta e Dytë Botërore. Kështu ka deklaruar kryeministri i Kosovës, Albin Kurti gjatë adresimit të tij në Forumin Ekonomik të Delphit që po mbahet në Greqi.
Ai tha se këtë projekt të rëndësishëm, duhet ta ushqejmë dhe ta mbrojmë.
“BE-ja është projekti më i rëndësishëm politik dhe procesi historik i paqes dhe prosperitetit që nga Lufta e Dytë Botërore, të cilin ne duhet ta ushqejmë dhe mbrojmë. Në qershor do të bëhen njëzet vjet nga Samiti i Selanikut dhe premtimi për anëtarësim në BB. Për të bërë një hap të madh përpara, nevojitet një mendim i ri”, ka shkrua kryeministri Kurti në Twiter.
kryeministri Kurti po merr pjesë në Forumin vjetor Ekonomik, i cili organizohet nën patronazhin e presidentes së Greqisë, Katerina Sakellaropoulou. Në këtë forum po marrin pjesë politikanë e diplomat të ndryshëm.
- Advertisement -
Në margjinat e këtij forumi, kryeministri Kurti u takua të premten edhe me përfaqësuesin e posaçëm të Bashkimit Evropian për dialogun Kosovë-Serbi, Mirosllav Lajçak. Në këtë takim, sipas njoftimit për medie, është diskutuar për takimin e radhës me 2 maj në Bruksel, ku në kuadër të dialogut Kosovë-Serbi, kryeministri i Kosovës do të takohet me presidentin e Serbisë, Alleksandar Vuçiq.
