Kryeministri i Kosovës, Albin Kurti, ka nënshkruar një marrëveshje me presidenten e BERZH-it, Odile Renaud Basso.
Kurti, në platformën X, ka bërë të ditur se ky partneritet pritet të sjellë një investim prej 400 milionë eurosh në sektorët kryesorë për periudhën 2024–27.
Ai ka theksuar se kjo shifër është më e madhe se totali i 340 milionë eurove në kredi dhe grante sovrane të marra gjatë 11 viteve që Kosova është anëtare e kësaj organizate.
“Partneriteti me BERZH-in është më i fortë se kurrë. Sapo kam nënshkruar një Memorandum të marrëveshjes me presidenten Odile Renaud për 400 milionë euro investime në sektorët kryesorë për periudhën 2024–27—më shumë se 340 milionë euro në kredi dhe grante sovrane gjatë tërë 11 viteve që Kosova është bërë shtet anëtar”, ka shkruar Kurti.
- Advertisement -
Ky memorandum u arrit në kuadër të Samitit të Investimeve të Ballkanit Perëndimor 2024.
