Kryetari i Mitrovicës, Bedri Hamza, ka zhvilluar sot një takim me ambasadorin e Mbretërisë së Bashkuar në Kosovë, Jonathan Hargreaves, me të cilin ka diskutuar për situatën politike në vend dhe nevojën për formimin e institucioneve të reja qeverisëse.
Përmes një njoftimi në Facebook, Hamza tha se në këtë takim është theksuar rëndësia e krijimit të institucioneve funksionale në nivelin qendror, si dhe është diskutuar për zhvillimet e fundit politike në vend.
“Britania e Madhe është partnere strategjike e Kosovës dhe i jemi shumë mirënjohës për mbështetjen e vazhdueshme të saj”, shkroi Hamza në njoftimin e publikuar.
Takimi vjen në një kohë kur në vend po diskutohet për hapat e ardhshëm institucionalë pas zhvillimeve të fundit në skenën politike.
