Komisioni Qendror i Zgjedhjeve (KQZ) ka njoftuar se sot do të zhvillojë mbledhjen e radhës, ku në rend dite është certifikimi i rezultateve përfundimtare të zgjedhjeve të 9 shkurtit.
“Në orën 16:00, Komisioni Qendror i Zgjedhjeve do të mbahet mbledhjen e tij, sipas këtij rendi dite,” thuhet në njoftimin e KQZ-së.
Ndërkaq, Gjykata Supreme e Kosovës ka refuzuar dy ankesat e fundit të lidhura me procesin zgjedhor, duke i hapur rrugë KQZ-së për certifikimin e rezultateve.
“Dy ankesat e pranuara më 21 mars 2025, një nga Lëvizja Vetëvendosje kundër vendimit të PZAP-së, A.nr.641/2025, dhe një nga Koalicioni PDAK-LPB kundër vendimit të PZAP-së, A.nr.639/2025, janë refuzuar si të pabazuara,” ka njoftuar për RTK-në zëdhënësja e Gjykatës Supreme, Antigona Lutfiu.
- Advertisement -
Po ashtu, më 24 mars është refuzuar ankesa e kandidatit për deputet, Petrit Hajdari nga Partia Demokratike e Kosovës (PDK), e ushtruar kundër vendimit të PZAP-së, A.nr.636/2025.
