Ka dështuar edhe seanca e sotme e Kuvendit të Kosovës, ku sërish nuk u arrit të konstituohet legjislatura e re.
Pavarësisht pjesëmarrjes së deputetëve, vetëm 54 prej tyre votuan pro formimit të komisionit për votimin e fshehtë të kryetarit të Kuvendit – numër i pamjaftueshëm për të çuar procesin përpara. Si pasojë, seanca u ndërpre dhe pritet të vazhdojë më 29 maj.
Ashtu si në përpjekjet e mëparshme, edhe kjo seancë u shoqërua me mungesë konsensusi mes grupeve parlamentare për propozimin e anëtarëve të komisionit zgjedhor, i cili është parakusht për votimin e kryeparlamentarit.
Ngërçi institucional vazhdon tashmë për herë të 22-të me radhë, ndërsa legjislatura e nëntë mbetet ende e pakonstituuar.
