Policia konfiskon disa armë zjarri në Vushtrri dhe Skenderaj

Policia e Kosovës ka njoftuar se gjatë ditës së djeshme ka konfiskuar tri armë zjarri në Vushtrri dhe Skenderaj.

“Rreth orës 18:18, policia në Vushtrri ka pranuar informatën për të shtëna me armë zjarri. Njësitë policore kanë arritur ta lokalizojnë vendin se ku ka pasur të shtëna ku dhe ishte një aheng.Si provë materiale janë konfiskuar dy arme zjarri: një armë e modifikuar tytë shkurtër e tipit dhe një armë zjarri e llojit pistoletë”, thuhet në njoftim.

Në cilësi të të dyshuarit është arrestuar personi i dyshuar B.M. 32 vjeçar, i cili dyshohet se ka përdorur armët, ndërsa pas procedurave intervistuese me urdhër të prokurorit të dyshuarit i është caktuar masa e ndalimit policor.

Ndërsa rreth orës 18:45 në Skenderaj njësitet policore kanë konfiskuar një armë tytë gjatë-pushkë gjuetie, pas pranimit të informatës se i njëjtit e kishte shtënë me këtë armë.

Personi i dyshuar Xh.K. 49 vjeçar është arrestuar, pas procedurave intervistuese me urdhër të prokurorit i është shqiptuar masa e ndalimit policor prej 48 orësh.

Ndaj personave të dyshuar në fjalë, janë iniciuar rastet për veprat penale ”Përdorim i armës” dhe “Mbajtje në pronësi, kontroll të paautorizuar të armës”.