Ushtarët nga Italia, Shqipëria dhe Maqedonia e Veriut realizuan një stërvitje intensive për menaxhimin e turmave dhe përballimin e trazirave në Kampin Villaggio Italia.
KFOR-i njofton se qëllimi kryesor i stërvitjes ishte përmirësimi i sinergjisë dhe koordinimit mes ushtarëve të kontingjenteve të ndryshme.
Stërvitja u organizua për të qenë sa më realiste, duke siguruar që çdo ushtar të ketë një perceptim të saktë të mjedisit operacional në rast të protestave dhe trazirave të dhunshme.
