Presidenti i SHBA-së, Joe Biden, përshëndeti rimëkëmbjen e ekonomisë amerikane dhe krijimin e, siç tha, 12 milionë vendeve të reja të punës.
Në një fjalim drejtuar kombit, Biden tha se SHBA-ja është vendi i vetëm në botë që del “më i fortë” nga krizat.
Presidenti amerikan tha se, në dy vjetët e fundit, administrata e tij ka arritur “të krijojë një rekord prej 12 milionë vendesh të reja pune”. Këtë, sipas tij, nuk e ka arritur asnjë president tjetër as brenda mandatit katërvjeçar.
“Plani im ekonomik ka të bëjë me investimet në vende dhe njerëz që janë harruar. Mes trazirave ekonomike të katër dekadave të fundit, shumë njerëz janë lënë pas ose janë trajtuar si të padukshëm”, tha Biden.
