Dy pjesëtarë të KFOR-it janë kërcënuar me vrasje.
Ngjarja ka ndodhur në fshatin Lubiçevë të Prizrenit.
Rasti është konfirmuar për Klankosova.tv nga Policia e Kosovës.
Zëdhënësi Shaqir Bytyqi, tha se njëri nga të dyshuarit është arrestuar derisa tjetri është i identifikuar dhe është në kërkim.
- Advertisement -
“Me datë 26.02.2024 rreth orës 10:10 policia ka marrë informatën se në fshatin Lubiçevë dy persona të dyshuar i kanë kanosur pjesëtarët e KFOR-it italian të cilët ishin për vizitë në atë fshat. Patrulla policore ka dalë në vendin e ngjarjes dhe ka kontaktuar me karabinierët të cilët kanë deklaruar se përderisa ishin duke qëndruar në një lokal aty në fshat, të dyshuarit afrohen fillimisht duke i ofenduar e më pas njeri nga të dyshuarit i ka kanosur me vrasje duke ju thënë se ”do shkoj në shtëpi të marr Kallashnikovin dhe do ju vras të gjithëve”“, citon Bytyqi të dyshuarit.
