Britania mbështet në mënyrë absolute normalizimin e marrëdhënieve ndërmjet Kosovës dhe Serbisë.
Kështu ka thënë i dërguari britanik për Ballkanin Perëndimor, Stuart Peach, në një intervistë për agjencinë kroate të lajmeve “Hina”.
Peach në këtë bisedë dënoi organizimin e sulmit të armatosur terrorist në Banjskë të Zveçanit, në të cilin qytetarët e armatosur serbë sulmuan policinë e Kosovës, transmeton Klankosova.tv.
Britaniku e quajti atë një “incident të rëndë” dhe theksoi se autoritetet e Kosovës po bashkëpunojnë plotësisht në hetim, “gjë që e ka theksuar edhe gjatë bisedimeve në Bruksel”.
- Advertisement -
Ai shtoi se sasia e armëve të gjetura mund të jetë destabilizuese për Kosovën, për këtë arsye vlerësoi veprimet profesionale dhe të koordinuara të Policisë së Kosovës.
“Nga normalizimi ndërmjet Prishtinës dhe Beogradit do të përfitojnë të gjithë qytetarët e të dy vendeve, por edhe rajoni më i gjerë, duke përfshirë edhe Kroacinë, dhe e ardhmja e Kosovës është ajo e një republike multietnike”, tha Peach.
Lidhur me Malin e Zi dhe qeverinë e re atje, e cila ka mbështetjen e partive pro-ruse dhe pro-serbe, Peach tha se ka treguar hapa pozitivë në reformën e shtetit të së drejtës dhe emërimin e gjyqtarëve, gjë që është njohur nga Britania dhe BE-ja.
“Qeveria malazeze duhet të inkurajohet të ruajë ose përshpejtojë atë trajektore”, tha Peach, duke theksuar rëndësinë e Malit të Zi si një anëtar i NATO-s.
bërë thirrje Serbisë që të vendosë sanksione kundër Rusisë, pasi është vendi i fundit në Ballkanin Perëndimor që nuk e ka bërë këtë, dhe të hetojë parregullsitë e mundshme në zgjedhjet e mbajtura në dhjetor për të ruajtur integritetin e procesit zgjedhor, thotë Stuart Peach në një bisedë për agjencinë kroate të lajmeve “Hina”.
- Advertisement -
Rusia nuk duhet të destabilizojë Ballkanin
Peach theksoi se sot, për shkak të rrethanave të ndryshuara gjeopolitike dhe konflikteve të reja, është “më e rëndësishme se më parë” të mos shtohen rreziqe të reja në zonën e Ballkanit Perëndimor dhe të mos lejohen ata që duan të destabilizojnë zonën, si p.sh. si Rusia, të ketë sukses.
Në ditët e sotme, “duhet të jemi më vigjilentë se kurrë”, tha britaniku, i cili rrezikun për stabilitetin e sheh në lajmet e rreme dhe teoritë e konspiracionit, për shkak të të cilave qytetarët fillojnë të krijojnë qëndrime “që nuk mbështeten me fakte”. /Klankosova.tv
