Lidhja Demokratike e Kosovës ka reaguar pas deklaratës së ShBA-ve, të cilët shprehën shqetësim lidhur me kritikat e opozitës ndaj propozimit evropian, shkruan Syri.net Kosova.
“LDK-ja është kundër mashtrimit, e jo kundër partnerëve të shtetit të Kosovës”, ka shkruar në Facebook deputeti i kësaj partie, Avdullah Hoti.
Ai ka listuar edhe disa premtime të cilat Hoti tha se i kishte bërë Qeveria Kurti, duke shtuar se Lëvizja Vetëvendosje i ka mashtruar qytetarët ndër vite.
“Ndërkaq, tani e njëjta forcë politike pranon të zbatoj të gjitha marrëveshjet paraprake dhe thirret në elemente specifike të atyre marrëveshje që sigurojnë kushtetutshmërinë në zbatim”, tha tutje ai.
