Kryetari i Aleancës për Ardhmërinë e Kosovës, Ramush Haradinaj, ka reaguar për sulmin që është bërë mbrëmë ndaj gazetarit Valon Syla.
Sulmin ndaj Sylës, Haradinaj e ka quajtur të papranueshëm dhe akt qyqar.
Ai iu bëri thirrje organeve të rendit që ta zbardhin këtë rast, pasi fjala e lirë është garancë e demokracisë në një shoqërie.
“I papranueshëm sulmi qyqar ndaj gazetarit Valon Syla! Apeloj tek organet e rendit që të zbardhin rastin dhe uroj të jetë i fundit! Fjala e lirë është garancë e demokracisë në një shoqëri që aspiron një të ardhme të sigurt”, ka shkruar Haradinaj në Facebook.
- Advertisement -
Gazetari Valon Syla është sulmuar mbrëmë nga persona ende të panjohur.
Tre persona e kanë përcjell Sylën deri te Bregu i Diellit e më pas e kanë sulmuar.
Vetë Syla është deklaruar pas sulmit, me ç’rast ka njoftuar se është nën përkujdesjen e mjekëve.
Gazetari Valon Syla ishte sulmuar edhe njëherë tjetër, pas etiketimit që ua bëri mërgimtarëve.
