Miliarderi Elon Musk, i cili po udhëheq përpjekjet e Presidentit Donald Trump për të ulur shpenzimet federale, tha se po punon për mbylljen e Agjencisë Amerikane për Zhvillim Ndërkombëtar, e njohur ndryshe si USAID.
Musk, kreu i Tesla dhe SpaceX, diskutoi punën e Departamentit të tij të sapoformuar të Efiçencës Qeveritare, ose ndryshe DOGE, me përdoruesit në X, të cilin ai e zotëron.
Trump i ka bërë thirrje Musk që të shkurtojë shpenzimet federale dhe t’i bëjë ato më efikase.
Më herët Musk kishte sulmuar USAID në pastime të ndryshme në platformën X, duke e quajtur agjencinë një organizatë kriminale dhe akuzoi se përdori tajsat e amerikanëve për të financuar kërkime për armët biologjike, përfshirë COVID-19.
- Advertisement -
Reuters gjithashtu raportoi se dy zyrtarë të lartë të sigurisë së USAID-it u pezulluan pasi kundërshtuan të jepnin akses tek ekipi I Musk për disa material të klasifikuara.
USAID është donatori më i madh në botë i ndihmës humanitare. Në vitin fiskal 2023, SHBA ofroi 72 miliardë dollarë ndihmë në mbarë botën, në programe që mbulonin shërbimet shëndetësore të grave, aksesin në ujë të pastër, trajtimet për SIDA, sigurinë e energjisë dhe luftimin e korrupsionit.
Në vitin 2024, agjencia ofroi 42% të të gjithë ndihmave humanitare të regjistruara nga OKB-ja.
Trump ka bërë thirrje për ngrirjen e pothuajse të gjithë ndihmave amerikane sipas politikës së tij “America First”, duke tronditur organizatat e ndihmës.
Duke iu referuar më gjerësisht shkurtimeve të shpenzimeve në SHBA dhe luftimit të korrupsionit, Musk vlerësoi se administrata Trump mund të zvogëlojë deficitin e SHBA me një trilion dollarë vitin e ardhshëm, por ai nuk ka specifikuar se si do të bëhet kjo.
- Advertisement -
Megjithatë, Musk duket se ka mbështetjen e presidentit amerikan. Kur u pyet nëse Musk po bën një punë të mirë, Trump e pohoi diçka të tillë. /abcnews.al
