Ministri çek për Çështjet Evropiane, Martin Dvorak, ka deklaruar se Bashkimi Evropian duhet të diskutojë më intensivisht zgjerimin, duke e vlerësuar si një prioritet strategjik në kontekstin e zhvillimeve aktuale gjeopolitike. Sipas tij, pranimi i anëtarëve të rinj do të forconte sigurinë dhe konkurrueshmërinë e Unionit.
Deklarata u bë gjatë një takimi të mbajtur dje në Pragë me komisioneren evropiane për Zgjerimin, sllovenen Marta Kos. Të dy zyrtarët theksuan rëndësinë e rigjallërimit të këtij procesi, që përfshin një numër të konsiderueshëm vendesh aspirante.
Komisionerja Kos nënvizoi se procesi i zgjerimit po kalon në një fazë të re dhe sfiduese, duke përmendur praninë e forcave përçarëse që, sipas saj, duan që Evropa të dështojë.
“Zgjerimi i BE-së është një sfidë e madhe dhe njëkohësisht një mundësi që mund të ketë ndikim vendimtar në të ardhmen e kontinentit evropian,” u shpreh ministri Dvorak.
- Advertisement -
Aktualisht, vendet kandidate për anëtarësim në Bashkimin Evropian janë: Ukraina, Moldavia, Serbia, Mali i Zi, Shqipëria, Maqedonia e Veriut, Bosnja dhe Hercegovina, Kosova, Turqia dhe Gjeorgjia.
