Britania e ka konfirmuar se duhet një marrëveshje ndërkombëtare për t’i siguruar Ukrainës tanke të prodhimit gjerman, të cilat Kievi i konsideron si mjaft të rëndësishme në luftën kundër Rusisë.
Ndërsa, Ministri i Jashtëm britanik James Cleverly tha të dielën se në mënyrë që këto tanke t’i dërgohen Ukrainës, kërkohet pëlqimi i Gjermanisë.
Tanket ‘Leopard’ shihen nga ekspertët e mbrojtjes si më të përshtatshmet për Ukrainën.
“Do të doja të shihja ukrainasit të pajisen me mjete ushtarake si tanket ‘Leopard 2’ si dhe sistemet e artilerisë që janë siguruar nga ne dhe nga vende të tjera“, tha zoti Cleverly gjatë një interviste për ‘Sky News’.
- Advertisement -
“Do të vazhdoj të bisedoj me aleatët dhe miqtë tanë të NATO-s, për të lehtësuar dhurimin e pajisjeve më të mira ushtarake për Ukrainën për t’i ndihmuar ata të mbrohen kundër agresionit brutal të Rusisë“.
