Grupi qytetar “Asnjë cent më shumë” do të mbajë sot një konferencë për media, në kuadër të reagimeve ndaj vendimit të Zyrës së Rregullatorit për Energji për shtrenjtimin e rrymës.
Konferenca pritet të nisë në orën 12:00, në Sheshin “Skënderbeu” në Prishtinë, ku organizatorët do të shpalosin qëndrimet e tyre lidhur me vendimin për rritjen e çmimit të energjisë elektrike për 16.1%.
Kjo paraqitje publike vjen një ditë para protestës së paralajmëruar nga i njëjti grup, e cila do të mbahet nesër, gjithashtu nga ora 12:00 në të njëjtin lokacion.
Përfaqësuesit e “Asnjë cent më shumë” kanë theksuar se vendimi i ZRRE-së është i papranueshëm dhe rëndon mbi qytetarët në një kohë sfiduese ekonomike.
