Pas disa muajsh hetimesh intensive dhe përdorimit të metodave proaktive, Seksioni për Hetimin e Trafiqeve të Paligjshme, nën drejtimin e Prokurorisë, në bashkëpunim me Forcën Operacionale të DVP Tiranë, finalizuan operacionin e koduar “Suspend”, duke zbuluar një rast të rëndë të trafikimit të armëve me destinacion Tiranën.
Dy shtetas kosovarë, Altin Pajaziti, 23 vjeç dhe Kadri Prushi, 53 vjeç, u arrestuan gjatë operacionit. Ata dyshohet se po trafikonin armë zjarri nga Kosova në Shqipëri, me qëllim shitjen e tyre për një vlerë prej rreth 10,000 eurosh.
Operacioni u realizua në autostradën “Lezhë – Fushë Krujë”, ku Policia ndaloi automjetin me të cilin udhëtonin të dy të dyshuarit. Gjatë kontrollit, u gjetën dhe u sekuestruan dy pistoleta dhe municion luftarak, të cilat dyshohet se ishin destinuar për tregun ilegal të armëve në Tiranë, duke paraqitur një rrezik të madh për sigurinë publike.
Burimet policore njoftojnë se qëllimi i trafikimit ishte përdorimi i armëve në aktivitete kriminale, përfshirë mundësinë e atentateve.
- Advertisement -
Hetimet vijojnë për të dokumentuar plotësisht aktivitetin kriminal dhe për të identifikuar persona të tjerë të përfshirë në këtë rrjet të trafikimit të armëve.
- Advertisement -
Materialet e hetimit janë dorëzuar në Prokurori për veprime të mëtejshme. /noa.al
Shënim: Disa imazhe të përdorura mund të jenë nga interneti dhe konsiderohen të jenë në domenin publik. Nëse dikush ka pretendime për pronësi, do të citojmë autorin ose, sipas kërkesës, do të heqim menjëherë imazhin.
