Pas dështimit të seancës së jashtëzakonshme të Kuvendit Komunal të Prishtinës lidhur me Planin Zhvillimor Komunal, kryetari i komunës, Përparim Rama, dhe ish-nënkryetari Dardan Sejdiu, janë përfshirë në një përplasje verbale gjatë një konference për media.
Ndërsa Rama po jepte deklaratë për gazetarët, Sejdiu e ndërpreu duke e pyetur se cilat lagje janë përfshirë dhe vizituar gjatë procesit të hartimit të planit. Rama u përgjigj se “një numër i madh i lagjeve tërë kohën janë vizituar” dhe se “kemi vizituar të gjitha lagjet”.
Debati vijoi me një tjetër ndërhyrje nga Sejdiu, i cili kërkoi të dijë “sa lagje e kanë parë planin”. Kryetari Rama reagoi ashpër, duke akuzuar Sejdiun për dezinformim: “Njerëz si ti që japin dezinformata, që rrejnë njerëzit, që i rrejnë të gjithë qytetarët,” tha ai.
Sejdiu, nga ana e tij, iu përgjigj me një ton të ashpër: “A ia nise a?”
- Advertisement -
Debati pason një klimë të tensionuar politike në kryeqytet, ku Planin Zhvillimor Komunal po has në kritika dhe mospajtime nga përfaqësues të opozitës dhe komunitetit qytetar.
