Vetëm gjatë 24 orëve të fundit, sipas policisë, tre persona kanë humbur jetën në aksidente trafiku në Kosovë, kurse 26 të tjerë janë lënduar, në 36 rastet që janë regjistruar.
Policia njofton se një këmbësor ka vdekur të shtunën rreth orës 10 e 30 në Gjilan. Viktima ka ndërruar jetë si pasojë e aksidentit nga një veturë.
“Është arrestuar i dyshuari mashkull kosovar pasi që i njëjti duke drejtuar automjetin e tij nga pakujdesia ka goditur këmbësorin mashkull kosovar i cili pasi ka arritur në QKUK ka ndërruar jetë”, raporton policia.
“Me vendim të prokurorit trupi i pajetë i viktimës është dërguar në IML për Obduksion ndërsa i dyshuari është dërguar në mbajtje”, thuhet në raportin e policisë.
- Advertisement -
Një tjetër aksident është regjistruar në autostradën “Arbën Xhaferri” përkatësisht në Lipjan. Policia raporton se një aksident trafiku mes dy kamionëve, njëri me targa vendore dhe tjetri me targa të shtetit të Shqipërisë.
Për pasojë, vozitësi nga Shqipëria, ka humbur kurse me vendim të prokurorit trupi i pajetë është dërguar në IML për obduksion.
Kurse aksidenti i tretë me fatalitet ka ndodhur në fshatin Fshaj të Gjakovës ku janë ndeshur një veturë dhe një kamion.
Si pasoj e aksidentit lëndime trupore kanë pësuar i dyshuari dhe tre viktima, të cilët janë dërguar për tretman mjekësor në spitalin e Gjakovës, dhe sipas mjekëve njëri prej tyre, viktima mashkull kosovar ka qenë pa shenja jete.
I dyshuari vazhdon trajtimin mjekësor në spitalin e Gjakovës ndërsa dy viktimat tjera pas tretmanit mjekësor lirohen për në shtëpi.
- Advertisement -
Ndërkohë, me vendim të prokurorit trupi i pa jetë i viktimës është dërguar në IML për obduksion, dhe rasti procedohet në procedurë të rregullt.
