Sot bëhen 26 vjet nga masakra tragjike e Izbicës, ku forcat serbe, pas rrethimit të mijëra civilëve të fshatit Izbicë dhe zonave përreth, ekzekutuan 147 burra të rinj dhe të moshuar, duke i masakruar barbarisht. Pas këtij akti, pjesa tjetër e popullsisë u dëbua me forcë jashtë Kosovës.
Masakra e Izbicës është një nga krimet më të rënda të regjimit serb, ku masakra e civilëve, përdhosja e trupave dhe varrosja e viktimave janë bërë të njohura botërisht përmes pamjeve satelitore.
Ndër viktimat e kësaj tragjedie ishin edhe fëmijë të pafajshëm, përfshirë një foshnje vetëm gjashtëmuajshe.
Për këtë krim monstruoz, deri më tani është arrestuar një person, Muhamet Alidemaj, një shqiptar me shtetësi të Serbisë, i cili dyshohet se ka pasur lidhje me këtë masakër.
