Sot shënohen 26 vjet nga Beteja e Koshares, një nga përballjet më të rëndësishme të Ushtrisë Çlirimtare të Kosovës (UÇK) gjatë luftës për liri.
Më 9 prill 1999, luftëtarët e UÇK-së, nën komandën e Brigadës 138 “Agim Ramadani”, arritën një fitore të rëndësishme strategjike duke thyer kufirin mes Kosovës dhe Shqipërisë. Ky aksion i guximshëm hapte rrugën për furnizimin me armatim dhe mbështetje logjistike, duke forcuar pozitat e forcave çlirimtare.
Beteja, e cila vazhdoi deri më 10 qershor 1999, u zhvillua në kushte tepër të vështira, por luftëtarët shqiptarë treguan vendosmëri dhe guxim të jashtëzakonshëm. Thyerja e kufirit kishte rëndësi të madhe jo vetëm për strategjinë ushtarake, por edhe për simbolikën, pasi shënoi një hap të rëndësishëm drejt çlirimit të Kosovës.
