Në kuadër aktiviteteve për 25-vjetorin e çlirimit të vendit, në hapësirat e Shoqatës së Kompozitorëve të Kosovës është hapur faza e parë e ekspozitës, “Tinguj në imazhe”.
Përmes saj paraqiten fotografi që pasqyrojnë jetën muzikore artistike në Kosovë për katër dekada, gjatë viteve ’60, ’70, ’80 dhe ’90.
Në Ditën Botërore të Muzikës, kjo ekspozitë sjell një reminishencë të së kaluarës, duke ndriçuar momentet historike dhe personazhet e rëndësishme të skenës muzikore kosovare.
Nga organizuesit u tha se kanë rezervuar edhe një hapësirë për të gjithë ata që kanë materiale muzikore që lidhen me këto katër dekada, që pastaj ato të vendosen në kuadër të ekspozitës.
- Advertisement -
Ekspozita do të jetë e hapur deri më 21 dhjetor dhe është përkrahur nga Ministria e Kulturës.
