Marina amerikane tha se luftanija me raketa të drejtuara USS Milius kreu një mision që synonte të drejtat dhe liritë e lundrimit pranë ishujve Spratly, të pretenduara nga Pekini.
Njoftimi erdhi pasi ushtria e Kinës u angazhua në stërvitjet e fundit prej tri ditësh ushtarake në shkallë të gjerë rreth Tajvanit, në përgjigje të një takimi në Los Anxhelos midis Presidentit të Taipeit Tsai Ing-wen dhe kryetarit të Dhomës së Përfaqësuesve, amerikanit Kevin McCarthy.
Marina e SHBA-së tha se “operacioni është në përputhje me ligjin ndërkombëtar”.
Komanda e Ushtrisë Çlirimtare Popullore të Kinës tha se organizoi forcat detare dhe ajrore për të “gjurmuar dhe monitoruar” USS Milius kur ai “hyri ilegalisht në ujërat pranë shkëmbit pengues Meiji të Kinës” në Nansha (ishujt e diskutueshëm të njohur gjithashtu si Spratly), në Detin e Kinës Jugore”.
- Advertisement -
Kina raportoi gjithashtu se avionët e saj luftarakë të pajisur “me armë të vërteta” kryen “sulme të simuluara” pranë Tajvanit në operacione që, duke përfshirë edhe aeroplanmbajtësen Shandong, testuan “një bllokadë rreth ishullit”.
“Shumë avionë luftarakë H-6K, duke mbajtur municion të vërtetë, kryen valë të shumta sulmesh të simuluara ndaj objektivave kyç në Tajvan”, tha në një deklaratë Komanda e Ushtrisë Popullore Çlirimtare të Kinës, duke shtuar se aeroplanmbajtësja Shandong mori pjesë në stërvitje.
