Barcelona po kalon një periudhë të vështirë në dy sfidat e fundit mes kampionatit (Almeria) dhe Europa League (Manchester United), ku ka dalur e mposhtur. Madje, disfata ndaj “Djajve të Kuq” rezultoi fatale pasi katalanasit u eliminuan nga Europa League.
Trajneri Xavi Hernandez ka qenë i shqetësuar për Robert Lewandowskin. Sipas Joan Fontes, një reporteri pranë klubit të Barcelonës, pak ditë para ndeshjes së kthimit me United në Old Trafford, trajneri Xavi bisedoi me Pepe Reinën.
Sipas Fontes, Xavi i tha Reinës se e kishte të pamundur të motivonte Robert Lewandowskin për të fituar Europa League. “Si mund ta motivojë Lewandowskin të fitojë atë titull”, ishin fjalët e Xavit për Reinën. Kujtojmë se aktualisht, Lewandowski vuan nga një mbingarkesë muskulore dhe pritet të mungojë për disa ndeshje, edhe pse ende nuk ka një kohë të saktë rikuperimi.
