Deputeti Haki Abazi ka kritikuar ministrin Murati lidhur me platformën “Superpuna”, duke vlerësuar se atë mund ta realizojë një kompani prej tre vetash e që nuk është për një qeveri të tërë.
Ai, përmes rrjetit social Facebook, ka reaguar ndaj qeverisë për politika të gabuara, që për pasojë goditet administrata e Kuvendit me zvogëlime pagash, derisa krahasoi me një pagë të një kuzhinieri në sektorin privat, i cili ka pagën 1000 euro më shumë.
Sipas tij, punëtorët janë lënë në mëshirën e zotit, teksa vuri në pah që disa nga firmat private nuk paguajnë me rregull pagat e tyre, ku “secili prej tyre është i/e frustruar dhe i/e frikësuar për gjendjen dhe ata bashkë me shoqërinë, me vëllezër e motra janë në kërkim të daljes, ikjes nga Kosova anise paskan një punë”.
“Këto probleme nuk rregullohen me platforma ‘Superpuna’, por me zbatimin ligjit”, vlerësoi deputeti Abazi.
- Advertisement -
Ai më tej konsideron se “sektori privat ka nevojë për hapësirë të zhvillimit dhe qarkullim të kapitalit, kredi të favorshme, dhe se shteti duhet të sigurojë drejtësinë dhe garën e konkurrencës fer”.
