I dërguari amerikan për Ballkanin Perëndimor, Gabriel Escobar, gjendet në Bruksel.
Ai do t’i takojë ndaras Kryeministrin e Kosovës, Albin Kurti, si dhe presidentin serb Aleksandër Vuçiq, para nisjes së takimit në BE.
Lidhur me këtë takim ka reaguar edhe ambasadori amerikan në Beograd, Christofer Hill, cili tha se ky takim është një takim domethënës, ku, sipas tij, bëhet e qartë angazhimi i BE-së për të gjetur zgjidhjen në të cilën do të përfitojnë të gjithë.
“Procesi i Brukselit nuk mund t’i gëzojë ata që presin rezultat të kënaqshëm menjëherë”, ka thënë Hill.
