Shtetet e Bashkuara të Amerikës janë të vendosur të japin një ndihmë tjetër për Ukrainën prej 2 miliardësh dollarë.
Kjo ndihmë për herë të parë përfshin raketa me rreze më të gjatë veprimi, si dhe municione dhe armë të tjera të rënda.
Ndihma pritet të shpallet brenda kësaj jave dhe do të përfshijë pajisje mbështetëse për sistemet e mbrojtjes ajrore Patriot dhe armë antitank Javelin, thanë zyrtarët amerikanë
Në total, Shtetet e Bashkuara kanë ndarë mbi 27 miliardë dollarë si ndihmë për Ukrainën, prej kur Moska ka nisur luftën në 24 shkurt të vitit të kaluar.
- Advertisement -
Aleatët perëndimorë kanë ofruar po ashtu armë në vlerë të miliarda dollarëve për Ukrainën që agresorin rus ta shpartallojnë dhe t’i jap fund luftës në Ukrainë.
Së fundmi edhe shtetet e BE-së i kanë dhenë ndihmë Ukrainës më artileri të rënda si tanke dhe pajisje tjera ushtarake.
