Mesfushori 31-vjeçar Jorginho ju bashkua Arsenalit për shumën e 11.3 milionë eurove, derisa në prezantimin e tij tregoi arsyet pse zgjodhi “Topçinjtë”.
Jorginho u shpreh se “Arteta ishte përpjekur edhe më parë të më transferonte, por kjo nuk ndodhi për disa arsye të ndryshme. Kështu që ai ka ndikim të madh pse unë zgjodha Arsenal-in”, tha fillimisht futbollisti italian.
“Ai është duke e bërë një punë të madhe dhe dua që edhe unë të jem pjesë e projektit të tij”, shtoi mesfushori Jorginho.
Jorginho më tej tha se u befasua që Arsenal-i ishte i interesuar për të dhe mezi pret ta nisë aventurën me “Topçinjtë”.
- Advertisement -
“Të them të drejtën në fillim u befasova, por nuk u mendova dy herë. Arsenal është një klub i rëndësishëm dhe mezi pres të luaj këtu”, thekson mesfushori me origjinë braziliane.
