Miroslav Lajçak ka treguar se ka zhvilluar takim me kryeministrin e Kosovës, Albin Kurti gjatë mbrëmjes së djeshme.
Për këtë takim ka reaguar deputeti Daut Haradinaj nga Aleanca për Ardhmërinë e Kosovës.
Ai ka thënë se marrëveshjet e natës nuk i sjellin dobi vendit.
“Shpresoj që Albini do e sqarojë opinionin në Kosovë për darkën e zhvilluar mbrëmë në orët e vona se për çka u dakorduan! A janë pajtuar për zbatimin e atyre marrëveshjeve që i kundërshtoi deri sa erdhi në pushtet!?Është e padrejtë që opinioni të informohet nga negociatori e jo nga Albini. Marrëveshjet e natës nuk e di nëse sjellin dobi për vendin. Shpresoj që ky mengjes do jetë reflektues për ty dhe për përgjegjësitë që i ke”, ka shkruar Haradinaj.
- Advertisement -
Në anën tjetër edhe Shtetet e Bashkuara të Amerikës i kanë kërkuar edhe njëhërë Kosovës dhe Serbisë që të zbatojnë marrëveshjet e arritura.