Presidenti i Turqisë Erdogan, ka bërë njoftim gjatë një konference rinore të shtunën, në provincën veriperëndimore të Bursës për datën e zgjedhjeve parlamentare që do të mbahen më 14 maj dhe siç është raportuar edhe në media vendore ai planifikon të rikandidojë përsëri.
“Jemi të destinuar të ndajmë rrugën tonë me ju, rininë tonë, që do të votojë për herë të parë në zgjedhjet që do të mbahen më 14 maj”, tha presidenti turk.
Erdogan, i cili është në pushtet që nga viti 2003 fillimisht si kryeministër, dhe si president që nga viti 2014 përballet me zgjedhjet më sfiduese për të deri tani.
Ai kandidon në këto zgjedhje teksa mbështetja për të ka rënë pas krizës ekonomike e cila bëri që inflacioni të arrinte në 85 për qind vitin e kaluar.
