Kryetari i Kuvendit të Kosovës dhe nënkryetar i Lëvizjes Vetëvendosje, Glauk Konjufca, ka theksuar se shumë shpejt pritet të formohet qeveria e re e Kosovës.
Ai bëri këto komente pas pjesëmarrjes në homazhet për 26-vjetorin e Masakrës në Lubeniq të Pejës, duke iu përgjigjur pyetjeve të gazetarëve lidhur me formimin e ekzekutivit të ri.
Konjufca tha se gjithçka që mbetet për t’u bërë është konstituimi i Kuvendit, dhe pas kësaj, sipas tij, do të bëhet e mundur krijimi i qeverisë. “Sa i përket zgjedhjeve, gjithçka që presim është të themelohet shumë shpejt Qeveria e Kosovës në parlament. Fillimisht, parlamenti duhet të konstituohet. Besoj që i kemi numrat,” tha Konjufca.
Ndërkaq, nga Presidenca e Kosovës u njoftua se dekreti për seancën konstituive të Kuvendit pritet të publikohet gjatë ditës, duke hapur kështu mundësinë për hapin e ardhshëm në krijimin e institucioneve të reja të vendit.
