Një goditje tejet të rëndë i ka bërë sot Albin Kurtit, njëri nga zyrtarët më të lartë të Administratës së presidentit Donald Trump, duke u bërë thirrje qytetarëve të Kosovës të mos mashtrohen nga ai.
Ai e ka përgënjeshtruar kandidatin e Vetëvendosjes për kryeministër, i cili pretendoi se me qeverisjen e tij, marrëdhëniet me SHBA-në nuk kanë qenë kurrë më të mira, transmeton klankosova.tv.
Lexoni deklaratën e plotë të Grenell në platformën X:
”Kam shumë miq në Kosovë dhe Shqipëri… dhe shumë miq në Serbi dhe në mbarë rajonin.
- Advertisement -
Administrata Trump ka punuar dhe do të vazhdojë të punojë për paqen për të gjithë në Ballkan.
Por na duhen partnerë të besueshëm.
Qeveria Kurti nuk ishte e besueshme gjatë mandatit të parë të Trump-it, as gjatë mandatit të Biden-it. Si Republikanët ashtu edhe Demokratët e kanë kritikuar vazhdimisht Kurtin për ndërmarrjen e veprimeve të njëanshme që destabilizojnë rajonin. Kështu kanë vepruar edhe BE-ja dhe NATO-ja. Komuniteti ndërkombëtar është i bashkuar kundër Kurtit.
Kompanitë amerikane po zgjerohen në Shqipëri dhe Serbi, por nuk po zgjerohen në Kosovë për shkak të Kurtit.
Kurti ka qenë gjithashtu kundër çdo ideje amerikane të ofruar nga Presidentët Clinton, Bush, Obama, Biden dhe Trump.
- Advertisement -
Retorika e përdorur tani nga Kurti, duke pretenduar se është i afërt me SHBA-në dhe më i mirë se të gjitha qeveritë e tjera të Kosovës, është absolutisht e rreme. Mos u mashtroni”.
