Një aksion është duke u zhvilluar në rajonin e Pejës, ndërsa nga Prokuroria Themelore në Pejë është bërë e ditur se sasia e drogës së sekuestruar është mbi 1 ton, gjersa vlera rreth 5 milionë euro.
Lajmin e konfirmoi për Telegrafin zëdhënësi i Prokurorisë Themelore në Pejë, Shkodran Nikçi.
“Sot mbi një ton drogë është sekuestruar nga Prokuroria Themelore në Pejë. Vlera e drogës është rreth 5 milion euro dhe është ndër aksionet më të mëdha antidrogë nga paslufta. Aksioni është në zhvillim. Për detaje tjera ju njoftojmë ndërkohë”, është shprehur Nikçi.
