Ambasadori i Gjermanisë në Kosovë, Jorn Rohde i ka kërkuar Serbisë shtensionim të menjëhershëm të situatës pas ndalesës së qytetarëve dhe zyrtarëve të Policisë së Kosovës.
Rohde tha se ndalimi i zyrtarëve policorë, përfshirë ata nga nacionaliteti serb, nga autoritetet serbe është i papranueshëm.
“Sigurisht jo ajo që mund të pritet nga një vend kandidat për BE. Kjo duhet të përfundojë menjëherë dhe presim që edhe politikanët serbë të Kosovës të reagojnë për bashkëqytetarët e tyre”, tha Rohde, transmeton Klankosova.tv.
Dje, Serbia ka ndaluar për orë të tëra qindra qytetarë të Kosovës nëpër kufijtë e saj me Kroacinë e Hungarinë, ndërsa janë arrestuar edhe 10 zyrtarë policorë, përfshirë zëvendësdrejtorin e Policisë së Kosovës, Dejan Jankoviq.
- Advertisement -
Kryeministri i vendit, Albin Kurti, ka bërë të ditur se Serbia i ka liruar zyrtarët policorë, por jo edhe zëvendësdrejtorin e policisë, Jankoviq.
