Interi nuk ishte në gjendje të rikthehej plotësisht në këmbë pas eliminimit nga Champions League. Pak ditë pas nokautit ndaj Atletico Madridit, skuadra e Inzaghit u ndal në “San Siro” nga Napoli i Calzona, i cili arriti të barazojë golin e Darmian me anë të Juan Jesus.
Nuk ka zhgënjim të madh, duke marrë parasysh distancën e pastër nga Milani, por gjithsesi ishte një rezultat që e ktheu Interin te barazimi pas muajsh. Në vitin 2024, në fakt, Lautaro dhe shokët e tij kishin fituar disa ndeshje pa ndërprerje. Interi është +14 pikë ndaj Milanit për momentin, me mundësinë e fitimit të titullit që në prill.
Simone Inzaghi e analizoi në këtë mënyrë barazimin mes Interit të tij dhe Napolit: “Ka pak zhgënjim, duke pasur parasysh ndeshjen e luajtur. Ne ishim shumë mirë kundër kampionëve të Italisë, patëm një pakujdesi që na kushtoi fitoren.
Në minutat e fundit të lojës humbëm përqendrimin, por Sommer kishte qenë praktikisht joaktiv deri në atë gol. Këndi nga erdhi goli? Duhet rishikuar, por arbitri bëri një ndeshje të shkëlqyer, edhe pse nuk qe aspak e thjeshtë.
- Advertisement -
Ne vinim nga një javë e vështirë. Siç thashë, bëmë një ndeshje të shkëlqyer. Na vjen keq për tifozët tanë, të cilët na pritën në mënyrë emocionuese. Çdo ndeshje ka diçka për të mësuar, mund të kishim shënuar më tepër gola. Sidoqoftë, do të jetë një mësim për të ardhmen.
Ditët pas Atletico Madridit ishin analize, zhgënjimi ishte i fortë, por mund të mësosh shumë nga këto situata. Gjëja që më pëlqeu më shumë sonte ishte motivimi, pavarësisht hidhërimit dhe përpjekjes sforcuese të Champions League.
Në disa kundërsulme mund të kishim bërë më mirë, por nuk duhet harruar edhe kundërshtari, i organizuar dhe plot talent. Pati një mundësi nga Barella, ndaj të cilit Juan Jesus bëri një ndërhyrje të mrekullueshme, përndryshe do të ishte 2-0 dhe ndeshja do të kishte përfunduar.
Titulli? Duhet të punojmë mirë, kanë mbetur edhe dy muaj, nuk duhet të dorëzohemi. Do të kemi nevojë për të njëjtën vëmendje që kemi pasur deri me tani”.
