“Largohemi me kokën lart nga Champions League, sepse kemi luajtur hapur dhe kemi rrezikuar. Mund të kishim bërë më mirë në 2-1, sepse ndaj skuadrave të forta e paguan shtrenjtë nëse i shpërdoroni shanset tuaja”.
Kështu u shpreh Amir Rrahmani, shënuesi i golit të vetëm të kampionëve italianë ndaj Barcelonës, në ndeshjen e kthimit të 1/8 finale, e cila u mbyll mbrëmë me rezultatin 3-1 në favor të katalanasve (ndeshja e parë në stadiumin “Maradona” ishte mbyllur 1-1).
“Ne u përpoqëm të shtypnim lart, por nuk ia dolëm mirë, madje humbëm shumë topa”, – shpjegoi më tej mbrojtësi kosovar para mikrofonave të “Mediaset”, në fund të ndeshjes.
Sipas tij, Napoli shfaqi shumë probleme para portës kundërshtare: “Kemi krijuar shumë, por shpërdoruam. Duhet të shënosh gola kur ke mundësi ndaj skuadrave të forta, përndryshe e pëson keq. Kjon a ndodhi edhe ne ndaj Barcelonës”.
