Kylian Mbappé do të jetë një nga të ftuarit e presidentit të Francës, Emmanuel Macron, në darkën gala që do të organizojë këtë të martë për nder të Sheikut të Katarit, Tamim bin Hamd Al Thani, shkruan gazeta “Le Parisien”.
Pak ditë pasi sulmuesi njoftoi largimin e tij nga PSG në fund të këtij sezoni dhe përparimin e negociatave me Real Madridin, sulmuesi do të rikthehet në selinë e presidencës franceze për t’u takuar me zyrtarët më të lartë të klubit.
Përveç Al-Thani të plotfuqishëm, në darkë do të marrë pjesë edhe njeriu që ka fjalën e fundit në të gjitha vendimet në lidhje me PSG-në, presidenti i klubit, Nasser Al Khelaifi. “Le Parisien” siguron se në darkën gala janë ftuar edhe anëtarë të tjerë të stafit.
Al Thani do të bëjë një vizitë zyrtare në Paris këtë të martë në kuadër të bisedimeve diplomatike për riaktivizimin e konfliktit në Lindjen e Mesme, në të cilën Katari është një nga vendet me ndikimin më të madh.
- Advertisement -
Katari po ndihmon sidomos në lidhje me lirimin e pengjeve të mbajtur nga grupi palestinez “Hamas”, mes të cilëve janë tre me kombësi franceze. Nuk do të jetë hera e parë që Mbappé ndan një tavolinë me dy krerë shtetesh, pasi Macron e ftoi atë në shkurt 2018 në një drekë me presidentin e sapozgjedhur të Liberisë dhe ish-futbollistin George Weah.
