Barcelona nuk bën hap fals dhe arrin të sigurojë finalen e madhe të Superkupes së Spanjës. Të dielën, në orën 20:00, Reali i Madridit do të përballet me Barcelonën në finale. Një finale klasike që të gjithë e prisnin që pas hedhjes së shortit dhe një El Clasico që pritet të jetë i zjarrtë për të diskutuar trofeun e parë këtë vit.
Barcelona e mbylli kualifikimin 2-0 pa qenë nevoja të shkohej në shtesë përballë Osasunës, ndaj së cilës mjaftoi goli i Robert Lewandowskit në minutën e 59-të dhe finalizimi i Yamal në sekondat e fundit. Në fakt, ishte një ndeshje e dominuar nga “blaugranat”, por që nuk u refektua me më shumë se dy golat e shënuar.
Osasuna mbeti në lojë deri në kohën shtesë, kur talenti i Barcelonës, i shërbyer nga Felix, vulosi fitoren 2-0. Trajneri i Barcelonës, Xavi Hernandez, vlerësoi lojën e lojtarëve që u aktivizuan nga stoli, si Pedri, Yamal e Felix.
