Kombëtarja shqiptare ka kryer seancën e dytë stërvitore në prag të ndeshjeve kualifikuese të nëntorit. Në seancën e paradites së të martës, ndryshe nga një ditë më parë, ku u stërvitën vetëm 8 lojtarë, të gjithë kuqezinjtë janë stërvitur normalisht, për të mos pasur kështu dyshime për formën fizike të futbollistëve.
Kristjan Asllani, ai që trembte stafin teknik, është bashkuar me grupin dhe ka zhvilluar seancë të plotë. Skuadra ka punuar në aspektin tekniko-taktik, ku janë provuar futbollistët në situata loje dhe për të përballuar siç duhet kundërshtarin.
Gjendja e ekipit paraqitet e mirë me optimizmin që është i lartë për rezultat pozitiv në Moldavi dhe për t’u kualifikuar për në Euro2024. Kombëtares shqiptare i duhet të paktën një pikë në dy duelet e radhës për të garantuar edhe matematikisht kualifikimin për herë të dytë në kampionatin Europian.
Interesi ka qënë i lartë, me të gjithë biletat që janë shitur prej ditësh. Përballja me Moldavisë është në program për tu zhvilluar këtë të premte duke nisur nga ora 18:00, ndërsa të hënën ajo ndaj Ishujve Faroe në stadiumin ‘Air Albania’.
