Ministrja e Punëve të Jashtme dhe Diasporës, Donika Gërvalla-Schwarz, në Forumin e Dubrovnikut, tha se Kosova me popullsinë më të re në Evropë është shembulli më i mirë në rajon për luftën e suksesshme për sundimin e ligjit.
Ajo tha se Kosova është shembull për besimin në drejtësi dhe qeverisje si bazë e domosdoshme për një zhvillim të qëndrueshëm të vendit dhe ulje graduale të numrit të atyre që perspektivën e shohin në emigrim.
Ministri i Punëve të Jashtme të Republikës së Kroacisë, Gordan Grlić Radman hapi Forumin duke vënë në pah rëndësinë e bashkëpunimit dhe takimeve të tilla, por edhe rëndësinë e veçantë të diasporës për zhvillimet në Kroaci dhe rajon.
Në emër të Organizatës për Zhvillim e Bashkëpunim Ekonomik (OECD) fjalën e mori Andreas Schaal, i cili theksoi që diaspora gjithmonë duhet trajtuar si urë e rëndësishme lidhëse.
- Advertisement -
Dita e parë e Forumit të Dubrovnikut u mbyll me diskutimin e organizuar nga OECD me temën “Migrimi për qëllim punësimi në Evropën Juglindore – si të nxirren sa më shumë dobi prej tij”.
Në panelin e drejtuar nga Sekretari i Shteti – MPJE e Kroacisë, Zdenko Lucić dhe të përbërë nga Donika Gërvalla-Schwarz – Zëvendëskryeministre dhe Ministre e Punëve të Jashtme e Republikës së Kosovës, z. Elmedin Konaković – Ministër i Punëve të Jashtme i Bosnjë dhe Herzegovinës, znj. Mariin Ratnik, Nënsekretare për çështje Zhvillimore dhe Ekonomike nga MPJ e Estonisë, z. Ivana Živković – UNDP, z. Hrvoje Supić – Diaspora kroate dhe znj. Soana Jaupllari – Profesoreshë e Tregtisë Ndërkombëtare dhe Migrimit nga Universiteti i Tiranës.
Delegacioni i Republikës së Kosovës mori pjesë edhe në darkën e shtruar nga Kryeministri i Kroacisë Plenkoviç për nder të Forumit dhe pjesëmarrësve të tij.
Ndryshe delegacioni i Republikës së Kosovës, i kryesuar nga Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla-Schwarz, pjesë e të cilit janë edhe Zëvendësministri i MPJD-së, Kreshnik Ahmeti dhe Ambasadori i Republikës së Kosovës në Kroaci, Martin Berishaj.
Këtë vit Forumi i Dubrovnikut ka moton “Manovrimi në riformësimin botëror” dhe është nën organizimin e Qeverisë dhe Ministrisë së Punëve të Jashtme të Republikës së Kroacisë.
