Tirana dhe Partizani po vazhdojnë luftën për titullin kampion në Superiore. Bardheblutë po kryesojnë me dy pikë më shumë se rivali i përjetshëm kur kanë ngelur edhe dy ndeshje nga fundi i kampionatit. Tashmë është e qartë panorama edhe sa i përket rivalëve të mundshëm të ekipeve të kryeqytetit në turin e parë të Champions League.
Si Tirana ashtu edhe Partizani, pra secila prej këtyre dy ekipeve që do të shpallet kampion, nuk do të jetë në listën e favoritëve në turin e parë të Champions. Për këtë arsye, përpara tyre do të ketë ekipe më të forta.
Ferencvaros, Qarabag, Slovan Bratislava dhe Sherif Tiraspol janë kundërshtarët e mundshëm më të padëshirueshëm. Nga ana tjetër, TNS, HJK, Flora dhe Zalgiris mund të ishin rivalë më të preferuar për të pasur shansin e kalimit më tej. /Sport Ekspres/
