Erling Haaland është shpallur futbollisti i vitit për meshkuj nga Shoqata e Shkrimtarëve të Futbollit (FWA) për sezonin 2022-23.
Reprezentuesi norvegjez ka shijuar një sezon të jashtëzakonshëm debutues në Angli me Manchester Cityn, duke shënuar 51 gola në të gjitha garat deri më tani, ndërsa City kërkon tripletën.
22-vjeçari, i cili iu bashkua kampionëve të Premier Leagues nga Borussia Dortmund në një marrëveshje me vlerë 51 milionë funte verën e kaluar, theu rekordin për më shumë gola në një sezon në Premier League me 35 gola në vetëm 32 paraqitje.
“Të fitoj çmimin e Shkrimtarëve të Futbollit në sezonin tim të parë në futbollin anglez është një nder”, tha Haaland.
- Advertisement -
“Unë përpiqem çdo ditë të jem më i miri që mund të jem dhe të njihem kështu do të thotë shumë për mua”.
Haaland gjithashtu do të shpresojë të fitojë tripletën këtë sezon me klubin, pasi ende është në garë për të fituar Premier League, Champions League dhe FA Cup.
City aktualisht është në krye të Premier League dhe një pikë përpara Arsenalit me vetëm katër ndeshje të mbetura.
Skuadra e Pep Guardiolës përballet me Real Madridin në ndeshjen e dytë gjysmëfinale të Ligës së Kampionëve më 17 maj. Ndeshja e parë përfundoi 1-1.
