Shkruan: Naim KELMENDI
1. E vetmja Serbia ka mbetur pa i aprovuar sanksionet ndaj Rusisë,por edhe më tutje BE po e toleron Serbinë në këtë drejtim. Aleksandër Vuçiq vazhdimisht ka luajtur me dy letra: S’mund të dalim kundër Rusinë, me të cilën kanë lidhje historike, etnike etj, por duan të jenë edhe në Evropë. Tashmë ka ardhur koha që Aleksandër Vuçiqit, pra Serbisë, t’ia djegin njërën letër. Më në fund duhet të qartësohet se me kë do të jetë Serbia, o përfundimisht me Rusinë ose me Evropën.
2. Deri më tash Serbia nuk ka përfillur asnjë nga thirrjet e BE për vendosjen e sanksioneve ndaj Rusisë,dhe deri me tash Serbia është toleruar, duke qenë i vetmi vend në Ballkan dhe që aspiron për t’u integruar në Bashkimin Evropian që nuk ka vënë asnjë nga sanksionet ndaj Rusisë, kështu qê Serbia ende vazhdon të luajë në dy pozicione:në bashkëpunim dhe lidhje speciale me Rusinë,por edhe me BE-në.
Emisarët evropiane se fundi kane shtuar oredionet ndaj Kosovës për krijimin e Asociacionit një etnik të komunave serbe,në vend se presioni te drejtohej ndaj Serbisë,si nënshkruese e shumë Marrëveshjeve ndërkombëtare me Kosovën, por që asnjë nga ato, e që marrëveshjet ndërkombëtare janë obliguese për palët, nuk i respekton as nuk i zbaton deri me tash. Po ashtu Serbia luajti edhe me skenarët e luftënxitjes me projektet e Putinit për destabilizimin e Kosovës përmes enkkavës serbe të Veriut, Bosnjës e Malit të Zi dhe rajonit, duke kërcënuar edhe me luftë.
- Advertisement -
Sikundër po shihet,presioni po bie si gjithmonë mbi të dobëtin me pa të drejtë, mbase edhe kjo maksimë e njohur po zë vend në etikën e diplomacisë evropiane, në këtë rast ndaj Kosovës,edhe pse Kosova ishte viktimë ndërsa Serbia agresore.
Siç po duket ende nuk ka indikacione të forta për ta ndëshkuar Serbinë,apo për t’ia stopuar hapjen e kapitujve drejt integrimit në BE.
3. Pesëshja e emisarëve evropianë e amerikan duket se tashmë është më e vendosur për të bërë hapa para në raport të dialogut në mes të Kosovës dhe Serbisë për të arritur te Marrëveshja përfundimtare në bazë të Projektit tashmë të njohur franko-gjerman për marrëveshjen përfundimtare që nënkupton edhe njohjen reciproke të te dyja shteteve. Se a do të tregojë Serbia koperativitet dhe vullnet në drejtim të njohjes reciproke,kjo mbetet pikëpyetje e madhe. Vetëm gjuha e forcës dhe presionit nga bashkësia ndërkombëtare mund ta bindë Serbinë.
(Kjo kolumne është shkruar enkas për Kospress)
